Penerbit Kiblat Buku Utama

Ahmad Bakri Si Kasja ngejat. Mimitina mah dicarékan ku ba­pana, tapi bet kalepasan, nepi ka diteunggeulna pisan. Ari geus karuhan anakna minggat mah, Ba­pa Si Kasja teu burung kaduhung, terus baé di­té­angan. Tapi sanggeus sababaraha poé, lebeng eu­weuh raratanana. Tungtungna Bapa Si Kasja ge­ring, nepi ka maotna. Sanggeus ditinggalkeun ku salakina, Bi Arwiah hi­rup kadua anakna, Si Inén. Pagawéanana ukur bu­buruh. Sawah geus euweuh, urut mulasara sa­lakina. Kumaha atuh ari nasib Si Kasja? Naha hi­rup kénéh atawa geus maot?   Cit. III, 2015, 14,5 x 21 cm., 81 kaca, Rp 20.000,-

Ahmad Bakri   Aya tujuh carpon nu dikumpulkeun dina ieu buku nu dijudulan ku salah sahiji carponna, “Nadran” tur kabéhanana kungsi dimuat dina majalah Katumbiri . Dina Nadran , saperti dina carpon-carpon Ahmad Bakri lianna, kahirupan pilemburan (Sunda) jadi kasang tukangna, sanajan téma dina ieu buku téh rupa-rupa, kayaning romantika hubungan lalaki-awéwé (”Nu Kungsi Eun­teup dina Lelembutan” jeung “Nadran”), kapercayaan kana tahayul (Jimat), suasana dina usum ngaronda (”Musim Haréng­héng”), jsb-na. Ku parigelna Ahmad Bakri ngaraéh carita, di­beung­haran ku paguneman anu hirup tur direumbeuy ku humor, pantes lamun karya-karyana pangréana dibaca tur dipikaresep ku balaréa.   Kiblat Buku Utama, Citakan I, 2015, 64 kaca, Rp 18.000,-

A. Conan Doyle Disundakeun ku Bratakusuma Parawan nu biasa tumpak karéta mesin di jalan sepi téh sihoréng boga masa­lah beurat, nu matak manéhna datang ka Sherlock Holmes ogé. Geus aya dua minggu leuwih manéhna ditutur-tutur ku lalaki misté­rius tur tumpak karéta mesin deuih di tengah leuweung geledegan. Saperti biasa, unggal poé ma­néh­na téh tumpak karéta mesin indit di­gawé nga­jarkeun piano ka anakna Tuan Carruthers. Nu jadi masalah keur Nyi Para­wan, waktu manéhna keur aya di imah Tuan Carruthers, ujug-ujug di­tang­keup ku Woodley jeung dipaksa kudu nyium manéh­na. Ari Woodley téh sobat dalit Tuan Carruthers nu geus sababa­ra­ha poé aya di imahna. Ku kajadian éta Tuan Carruthers paséa rongkah jeung Woodley. Dina seuhseuhanana, Tuan Carruthers jeung Woodley téh ngaku-ngaku jadi sobat pamanna Nyi Para­wan, nu geus dua puluh lima taun ngumbara ka Afrika Kidul bari euweuh béja-béjana acan.  Citakan I, 2015, 64 kaca, Rp 20.000,-

Ajip Rosidi   Masalah kumaha bahasa Sunda jaga, masih jadi bahan po­lé­mik nu teu anggeus-anggeus. Aya nu pésimis ku sabab ba­rudak ngora beuki saeutik anu ngagu­nakeun basa Sunda. Tapi aya nu optimis, da cenah loba kénéh barudak ngora nu ngagu­nakeun basa Sunda, cara anu kasaksian dina internét. Nu si­dik masalah lumangsungna basa Sunda mémang kudu dipi­kir­an jeung disang­hareupan ku urang Sunda, henteu bisa nga­rep-ngarep baris diungkulan ku pamaréntah anu henteu boga per­hatian kana kabu­dayaan, komo kana kabudayaan daérah kaa­sup kana basa jeung sastrana. Sawatara karangan nu dimuat dina buku ieu ngabahas ma­salah basa jeung budaya Sunda, nu lianna tulisan ngeunaan sa­­wa­­tara tokoh budaya urang Sunda. Ngan hiji nu ngeunaan bang­sa deungeun nyaéta tulisan ngeunaan Prof. Dr. A. Teeuw—sarjana urang Walanda nu gedé katineungna kana kabu­dayaan pang­pang­na kasusastran Indonésia. Tapi henteu lila saméméh pupus anjeunna némbongkeun minat kana naskah Sunda Kuna mang­rupa buku an...

jeung Carita-Carita Lianna   Dipilih sarta dipanganteuran ku C.W. Watson   Kumpulan carpon (carita pondok) atau cerpen ini mengumpulkan cerita-cerita (berbahasa Sunda) dari sejumlah pengarang Sunda yang melukiskan keadaan dan suasana yang akrab dialami, ditemui dan disikapi oleh masyarakat Sunda (Jawa Barat). Rentang tema carpon-carpon dalam Neng Maya jeung carita-carita lianna ini cukup luas: kesulitan dan kesusahan yang dialami rakyat kecil masa kini, seperti guru honorer atau tukang ojeg, dan bagaimana keadaan itu mereka sikapi dengan cara khas masyarakat Sunda; dunia gaib; sejarah tanah Sunda masa lalu (zaman revolusi, “gerombolan” DI/TII, awal Orde Baru); romantika hubungan lelaki-perempuan; dan sebagainya. Penyunting atau pengumpulnya, C.W. Watson, Profesor di Sekolah Bisnis dan Manajemen ITB, sudah lama tertarik pada sastra Indonesia dan pernah menerjemahkan sejumlah karya sastra Indo­nesia dan Sunda ke dalam bahasa Inggris dalam upaya memperke­nalkan khazanah buda...

Tiktik Rusyani   Tiktik Rusyani milu ngawedelan réngréngan pangarang wanoja Sunda, ku carpon-carponna nu mimiti katangén taun 2005, basa karyana Srikandi Néangan Gawé jadi pinunjul saém­bara nulis carpon nu diayakeun ku SKM Kujang . Karya-karya Tiktik Rusyani saterusna, mindeng némbongan dina ma­jalah Manglé , jeung rubrik carpon Sunda Tribun Jabar . Medalna Srikandi Néangan Gawé , mangrupa salah sahiji bukti yén régenerasi kapangarangan Sunda henteu mendet. Kaasup di kalangan pangarang wa­no­ja. Kawilang lancar tur mayeng. ~ Usép Romli H.M.   Kiblat Buku Utama jeung PPSS, Citakan I, 2014, 76 kaca, Rp 20.000,-

Tb. Djajadilaga Dina Nyi Sarikingkin nu maca bakal nimu jalan carita anu méh sarimbag jeung dongéng kamashur ti negeri deungeun, nyaéta Cinderélla. Malah carita anu sawanda jeung Cin­derélla mah universal. Aya rumaja awé­wé (biasana) geulis boh ti kalangan cacah boh ti kalangan mé­nak anu sang­sara, saperti dikakaya ku indung jeung lanceukna nu awé­wé misalna. Ku lan­taran kasabaranana dina narima nasibna, manéhna ditulungan ku ipri, jin atawa pohaci, tuluy (biasa­na) papanggih atawa dipanggihkeun jeung pangéran anom anu kasép, nu engkéna bakal jadi raja adil palamarta. Dina ieu buku, nyi mojangna téh ti kalangan ménak,  bapana salah sahiji bangsawan di hiji karajaan gedé. Ngan sabada ditinggalkeun maot ku indungna, bapana meunang­keun indung té­ré jeung lanceuk-lanceuk nu garoréng adat ka manéhna. Edisi Kiblat Buku Utama, Citakan I, 2014, 64 kaca, Rp 20.000,-