Penerbit Kiblat Buku Utama

Tb. Djajadilaga Dina Nyi Sarikingkin nu maca bakal nimu jalan carita anu méh sarimbag jeung dongéng kamashur ti negeri deungeun, nyaéta Cinderélla. Malah carita anu sawanda jeung Cin­derélla mah universal. Aya rumaja awé­wé (biasana) geulis boh ti kalangan cacah boh ti kalangan mé­nak anu sang­sara, saperti dikakaya ku indung jeung lanceukna nu awé­wé misalna. Ku lan­taran kasabaranana dina narima nasibna, manéhna ditulungan ku ipri, jin atawa pohaci, tuluy (biasa­na) papanggih atawa dipanggihkeun jeung pangéran anom anu kasép, nu engkéna bakal jadi raja adil palamarta. Dina ieu buku, nyi mojangna téh ti kalangan ménak,  bapana salah sahiji bangsawan di hiji karajaan gedé. Ngan sabada ditinggalkeun maot ku indungna, bapana meunang­keun indung té­ré jeung lanceuk-lanceuk nu garoréng adat ka manéhna. Edisi Kiblat Buku Utama, Citakan I, 2014, 64 kaca, Rp 20.000,-

Aam Amilia lahir tur gede di Bandung. Ti umur 12 taun geus resep tulas-tulis. Cerpenna, "Ulang Tahun", dimuat dina Lembaran Minggu Pikiran Rakyat. Carponna nu munggaran "Timburu" kapanggih ku Muh. Rustandi Kartakusumah, dimuat dina Mangle keur Aam umur 16 taun. Saterusna jadi pangarang dina dua basa. Nepi ka ayeuna, geus 25 judul bukuna nu terbit. Di antarana 6 judul novel dina basa Sunda: Puputon (1979), Buron (1980), Kalajengking (1980), Panggung Wayang (1992), Suminar (2008), Talaga Malihwarni (2012). Dina basa Indonesia: Jago-jago Bandung Selatan (1970), Karena Kasih Sayangmu (1971), Di Ujung Bayang-bayang (1989), Kutunggu di Bukit Bunga (2005), jste. Novelna Sanggeus Halimun Peuray (1992) diangkat kana film ku Dewan Film Nasional (DFN). Kiblat Buku Utama, Cit. II, 2021; 14,5 x 21 cm; 204 kaca; Softcover Beli di  Tokopedia ,  Shopee , dan  Lazada

Chy é R étty Isn énd és   Dua Wanoja téh buku kumpulan carpon Chyé Rétty Isnéndés nu munggaran. Dua Wanoja mangrupa carpon simbolik nu mawa gagasan-gagasan kawanojaan, patalina pamikiran katut rasa wanoja jeung dirina pribadi, sasamana, lawan jinisna, dunya kréatifna, sarta masarakatna. Chyé Rétty Isnéndés, pituin urang Nagrak-Sukabumi, lahir 2 Désémber 1972. Kiwari cekel gawé di Ju­rusan Pendidikan Bahasa Daérah (UPI). Nu­lis sajak, car­pon, novelét, jeung éséy, pang­pangna dina basa Sunda. Kar­ya sastrana nu di­bu­kukeun: Kidang Ka­wi­sa­ya (1999), Nu Nyusuk dina Sukma (2010), Jamparing (2012), Handeuleum 'na Haté Beureum (2014), jeung Dua Wanoja (2014). Panglélér dina widang sastra di antarana: Piagem Sastra ti LBSS kana skripsina “Analisis Puisi Mantra di Kacamatan Nagrak Kabupatén Suka­bumi” (1998) jeung Hadiah Sastra Rancagé ti Yayasan Kebudayaan Ran­cagé keur kumpulan sajakna Kidang Kawisaya (2000). Salian ti nulis karya sastra, Chyé oge nulis buku nu patalina...

H.M. Zainuddin Disundakeun ku Moh. Ambri Langka pisan karya sastra nu aya patalina jeung budaya étnis Acéh anu ditarjamah­keun kana basa Sunda. Salah sahiji­na—bisa jadi ngan hiji-hijina?— Béntang Acéh , anu aslina dina basa Indonésia ( Jeumpa Aceh ) wedalan Balai Pustaka tahun 1926. Minang­ka salah sahiji buku klasik, nilai sastra­na hadé sarta unggul, ngagambarkeun pa­céng­kadan antara  kaum muda vérsus kaum tua mangsa dé­kade-dékade awal abad ka-20, ditulis ku sastrawan, sajarawan, sarta ak­tivis perge­rakan Acéh. Téma pacéngkadan téh ilahar diguar ku panga­rang entragan Balai Pustaka, boh dina basa Indonésia boh dina basa daérah: alam pikiran jeung 'kahayang' kaum muda hal milih jodo nyanghareupan adat kaum tua anu mak­sakeun pilihan aranjeunna jeung kudu digugu ku anak-anakna. Edisi Kiblat Buku Utama, Citakan I, 2014, 126 kaca, Rp 32.000,-  

Margasulaksana   Di antara leuwih ti sapuluh judul buku beunang Marga­sulak­sana, beunang disebutkeun Diarah Pati anu pangpunjul­na. Punjul dina katohagaan struktur carita­na, punjul dina gambaran ngeunaan perwatek tokoh-tokoh ka­tut kaayaan anu dica­ritakeunana, punjul dina kandelna deuih. Minangka carita mistéri anu mung­garan dina basa Sunda, Dia­rah Pati ogé némbongkeun ka­punjulna tina carita-carita mistéri pan­deu­ri­eunana. Nu matak leuwih ti mere­nah lamun dibaraca deui ku urang Sunda kiwari téh.   Edisi Kiblat Buku Utama, Citakan I, 2014, 198 kaca, Rp 49.000,-

Holisoh, salah sahiji pangarang Sunda pangproduktifna, dina ieu kumpulan carpon (aya dua puluh), saperti dina dua romanna anu kungsi terbit (Katineung, 1998, jeung Kembang-kembang Petingan, 2002), nyaritakeun romantika jeung dina­mika kahirupan kulawarga, hubung­an ko­lot-anak—hususna tina sisi awewe, kon­flik salaki-pamajikan, konflik jeung “in­trik” pa­pa­da awewe hususna anu geus laki-rabi, konflik anu sakapeung rada nyosok kana hal-hal anu, sacara psiko­lo­gis, leuwih jero. Kiblat Buku Utama,2014; 14,5 x 21 cm; 128 hal; Softcover Beli di  Tokopedia ,  Shopee ,  Lazada , dan  Bukalapak

Ngawadalkeun Nyawa minangka karya Moh. Ambri nu panghadena, lantaran dina ieu roman katempo yen Ambri terang pisan kana alam pikiran urang Sunda jeung tradisi Islam anu geus nyerep dina kahirupan urang Sunda. Dina ieu roman oge, kaciri kabeungharan imajinasi Ambri, di antarana, nalika ngalu­kiskeun kaayaan imah Ki Sudagar (ieu su­da­gar teh anu nurunkeun Nyi Sarimaya, istri anu jadi para­gatama [tokoh utama] ieu roman—anu ngurbankeun maneh keur hirupna carogena). Kaciri deuih kawanoh nu jero Ambri kana alam pikiran para kyai (ajengan) nalika anjeunna nyaritakeun Ki Datawardaya (minantu Ki Sudagar) anu mila­rian calon caroge keur Nyi Sarimaya. Sacara tapis ku Ambri dipesek yen henteu sakabeh anu nyuprih elmu kaagamaan di pasantren teh karana Allah, rereana mah malah boga niat keur kapentingan sorangan. Kiblat Buku Utama, 2022; 14,5 x 21 cm; 78 kaca, Softcover Beli di  Tokopedia ,  Shopee ,  Lazada , dan  Bukalapak