Penerbit Kiblat Buku Utama

Margasulaksana   Di antara leuwih ti sapuluh judul buku beunang Marga­sulak­sana, beunang disebutkeun Diarah Pati anu pangpunjul­na. Punjul dina katohagaan struktur carita­na, punjul dina gambaran ngeunaan perwatek tokoh-tokoh ka­tut kaayaan anu dica­ritakeunana, punjul dina kandelna deuih. Minangka carita mistéri anu mung­garan dina basa Sunda, Dia­rah Pati ogé némbongkeun ka­punjulna tina carita-carita mistéri pan­deu­ri­eunana. Nu matak leuwih ti mere­nah lamun dibaraca deui ku urang Sunda kiwari téh.   Edisi Kiblat Buku Utama, Citakan I, 2014, 198 kaca, Rp 49.000,-

Holisoh, salah sahiji pangarang Sunda pangproduktifna, dina ieu kumpulan carpon (aya dua puluh), saperti dina dua romanna anu kungsi terbit (Katineung, 1998, jeung Kembang-kembang Petingan, 2002), nyaritakeun romantika jeung dina­mika kahirupan kulawarga, hubung­an ko­lot-anak—hususna tina sisi awewe, kon­flik salaki-pamajikan, konflik jeung “in­trik” pa­pa­da awewe hususna anu geus laki-rabi, konflik anu sakapeung rada nyosok kana hal-hal anu, sacara psiko­lo­gis, leuwih jero. Kiblat Buku Utama,2014; 14,5 x 21 cm; 128 hal; Softcover Beli di  Tokopedia ,  Shopee ,  Lazada , dan  Bukalapak

Ngawadalkeun Nyawa minangka karya Moh. Ambri nu panghadena, lantaran dina ieu roman katempo yen Ambri terang pisan kana alam pikiran urang Sunda jeung tradisi Islam anu geus nyerep dina kahirupan urang Sunda. Dina ieu roman oge, kaciri kabeungharan imajinasi Ambri, di antarana, nalika ngalu­kiskeun kaayaan imah Ki Sudagar (ieu su­da­gar teh anu nurunkeun Nyi Sarimaya, istri anu jadi para­gatama [tokoh utama] ieu roman—anu ngurbankeun maneh keur hirupna carogena). Kaciri deuih kawanoh nu jero Ambri kana alam pikiran para kyai (ajengan) nalika anjeunna nyaritakeun Ki Datawardaya (minantu Ki Sudagar) anu mila­rian calon caroge keur Nyi Sarimaya. Sacara tapis ku Ambri dipesek yen henteu sakabeh anu nyuprih elmu kaagamaan di pasantren teh karana Allah, rereana mah malah boga niat keur kapentingan sorangan. Kiblat Buku Utama, 2022; 14,5 x 21 cm; 78 kaca, Softcover Beli di  Tokopedia ,  Shopee ,  Lazada , dan  Bukalapak

I. Asikin   Dina ieu kumpulan carpon Moal Dimumurah , Ikin Asikin ngangkat rupa-rupa téma kahirupan pilem­buran jeung pasisian dumasar kana kondisi jamanna: mojang jeung bujang di jaman pen­dudukan Jepang (“Moal Dimumurah”), kasarakahan gegedén anu ngalantaran­keun papait keur rayat leutik dina mangsa cultuurstelsel -na  Walanda (“Lumpuhna Juragan Aria”); jal­ma-jalma golongan leu­tik kayaning supir (“Taluk”),  kuli, buruh jeung tukang  mikat manuk (”Tukang Mikat”), tu­kang nguruskeun ha­yam adu (“Giliran Bah Odo”), guru di lembur singkur, tagiwurna rayat dina mangsa gorombolan ngagalaksak (“Jurig Nyiliwuri”), kahirupan Ki Pamatang jeung sékésélérna (“Sékésélér Ki Pa­ma­tang”), jll-na. Kalayan basa anu tapis tur munel, gunem catur anu hégar sarta di­reumbeuy ku heureuy, Moal Dimumurah matak pogot anu macana. Citakan I, 2014, 132 kaca, Rp 33.000,-

Ahmad Bakri   Ngaliwatan carita-carita dina Kasambet (kumpulan épisodeu kahi­rup­an sapopoé Jang Udin, anak Juru-tulis désa jeung babaturanana), Ahmad Bakri méré atik­an, pangajaran, jeung tung­tun­an hu­sus­na ka barudak ngeunaan tata­krama urang Sunda, upamana dina nga­hormat ka kolot jeung ka nu leuwih ko­lot, miasih ka nu leuwih ngora atawa ka nu sangsara, hadé tur akur jeung babaturanana, jeung sajabana. Bubuhan Ahmad Bakri mah ampir saumur-umur jadi guru, dina carita-caritana henteu karasa mapatahan atawa ngaguruan. Tapis dina nepikeun amanat ku obrolan antara Jang Udin jeung papada babaturanana, jeung kolotna atawa jeung nu dipikolot. Ieu buku lain baé hadé dibaca ku baru-dak, tapi ogé ku kolot anu boga budak nu masih kénéh sako-la di SD, jeung ku para guru deuih.   Citakan I, 2014, 68 kaca, Rp 17.000,-

Asikin Hidayat   Ieu buku ngamuat 12 judul carpon nu méméhna dimuat dina média citak. Réréana nu dicaritakeun dina carpon-carpon Asikin téh kahirupan sapopoé, tur bisa jadi kailhaman ku réalitas, najan aya di antarana nu beunang ngundeur tina carita-carita bihari kawas dina carpon "Céntanbarang". Asikin henteu ngasongkeun téma-téma anyar, malah réa nu kungsi ditulis ku pangarang méméhna. Tapi da geus kitu galibna, perkara téma mah bisa jadi taya nu anyar. Téma cinta upamana, geus diasongkeun ku pangarang ti jaman buhun. Atuh mun ngeunteung kana pangalaman batin, da kitu-kitu kénéh deui, dina tungtung carita ukur ngasongkeung pirang-pirang rasa ka nu maca: bungah, sedih, kuciwa, kagagas, jsté. Tapi sawatara carpon Asikin ngasongkeun sawangan séjén dina medar jejer carita.   Citakan I, 2014, 128 kaca, Rp 32.000,-

Disundakeun tina The Scarlet Pimpernel Baronéss Emmuska Orczy Kembang Beureum karangan Baronéss Emmuska Orczy (1865-1947) mangrupa sa­lah sahiji roman anu réa dibaca, lain baé di Ing­gris tapi di nagara-nagara séjén deuih. Ku sabab kacida populér jeung matak pogot nu macana, ieu buku ditarjamahkeun lain baé kana basa-basa Éropa, tapi ogé kana basa-basa Asia. Dina basa Indonésia ogé geus aya sa­babaraha tarja­mah­an, di antarana Pacar Mérah. Ari nu dijadikeun latar caritana révolusi Pe­rancis, waktu rahayat murba hudang ngarebut hakna ti raja anu sakama-kama da ngang­gap nagara téh anuna pribadi, apan kaca­pangana­na gé ”l’état cest moi” (nagara téh kami). Rahayat murba anu ngamuk ngu­wak-ngawik, lain baé ngarorod raja nepi ka dipaténi dina guillotine, tapi para ménak séjénna deuih. Para ménak anu ta­di­na milu curak-curak sakarepna jeung raja, ditarangkepan sarta diparabkeun ka gui­llotine. Nya dina waktu kitu, aya ménak Ing­gris anu ngadegkeun komplotan rasiah pikeun nulungan kao...