KEMBANG BEUREUM

Disundakeun tina The Scarlet Pimpernel
Baronéss Emmuska Orczy
Kembang Beureum karangan Baronéss Emmuska Orczy (1865-1947) mangrupa sa­lah sahiji roman anu réa dibaca, lain baé di Ing­gris tapi di nagara-nagara séjén deuih. Ku sabab kacida populér jeung matak pogot nu macana, ieu buku ditarjamahkeun lain baé kana basa-basa Éropa, tapi ogé kana basa-basa Asia. Dina basa Indonésia ogé geus aya sa­babaraha tarja­mah­an, di antarana Pacar Mérah.
Ari nu dijadikeun latar caritana révolusi Pe­rancis, waktu rahayat murba hudang ngarebut hakna ti raja anu sakama-kama da ngang­gap nagara téh anuna pribadi, apan kaca­pangana­na gé ”l’état cest moi” (nagara téh kami). Rahayat murba anu ngamuk ngu­wak-ngawik, lain baé ngarorod raja nepi ka dipaténi dina guillotine, tapi para ménak séjénna deuih. Para ménak anu ta­di­na milu curak-curak sakarepna jeung raja, ditarangkepan sarta diparabkeun ka gui­llotine. Nya dina waktu kitu, aya ménak Ing­gris anu ngadegkeun komplotan rasiah pikeun nulungan kaom ménak Perancis tina ancaman pati rahayat murba. Nu jadi gegedugna maké ngaran samaran Scarlet Pimpernel (Kembang Beu­reum), dianggap sakti duméh bisa nyiliwuri dina waktu nulungan para ménak Pe­rancis nu rék jadi korban. 
 Edisi Kiblat Buku Utama, Citakan I, 2014, 176 kaca, Rp 44.000,-