PUPUTON

Puputon nyaritakeun “cinta segitiga” antara Mamay-Ismét-Astri. Mamay, bojo Ismét nu kadua. Ismét ngarangkep ka Mamay karena teu boga turunan ti Astri nu divonis gabug ku dokter. Puguh wé susulumputan, sabab Astrina kungsi ngancam rék maéhan manéh mun dicandung. Ka Astri, Ismét sabenerna masih kénéh micinta, ka Mamay deuih Ismét bogoh. Masalah timbul nalika Mamay bobot. Sanggeus dina hiji waktu panggih jeung Astri, timbul kasadar dina haté Mamay yén dirina geus ngaruksak kabagjaan papada awéwé.Sabada orok lahir jeung Mamayna keur diopnameu di rumah sakit, ku Ismétdicandak ka imahna sarta diakukeun orok batur.
Rusiah kabokér nalika ibuna Ismét ngalongok, karena aya béja Ismét boga orok.Ka ibuna Ismét balaka yén éta orok téh lain anak batur, tapi anakna pribadi ti awéwé anu dinikah kalayan sah. Ku Astri, carita Ismét kadéngé… Ahirna Mamay ménta dipirak jeung anakna rék dibawa, padahal Astri gé geus mundur sangkan méré kesempetan keur Ismét jeung Mamay ngawangun rumah tangga anyar. Ngan waé, sanggeus Mamay dipirak, Astri teu hayang hirup babarengan jeung Ismét karena ngaragangan nasib Mamay. Ka Ismét, Mamay nyarita, “Wios, Ati mah urang jantenkeun puputon, janten kadeudeuh urang sadayana. Kadeudeuh Kang Is, kadeudeuh Ceu Astri, kadeudeuh ibu Kang Is, kedeudeuh Mamay…” 

Aam Amilia; Citakan I, 2017; 14,5 x 21 cm.; 92 kaca