Di antara fikminer nu kawilang produktif téh, nya nu ngarang ieu buku. Lain ukur milu ngeusian lapak ku karya-karyana deuih, Ganjar Kurnia gé di antara nu mélaan sangkan fiksimini jadi bagian tina génre sastra Sunda tur puguh papayung élmuna. Kanyaahna kana sastra Sunda, pangpangna fiksimini, katémbong tina sawatara kagiatan nu dipokalan ku anjeunna: ti mimiti paméran fikmin grafis (istilah pikeun wanda fiksimini nu geus digambaran), diskusi fikmin, jeung sawatara kagiatan saémbara fikmin.
Mun ngukur kana produktivitasna, di antara kasibukanana jadi Réktor Unpad, Ganjar Kurnia bisa ngarang 156 naskah fikmin jero sataun. Rata-rata nulis 3 judul fikmin dina saminggu. Nu dimuat dina ieu buku téh sabagian ti nu 156 téa. Mun ngukur kana panjangna, rata-rata fikmin nu ditulisna téh 50 kecap. ~ Dadan Sutisna, Pupuhu Paguyuban Panglawungan Sastra Sunda (PPSS)
Citakan I, 2012; 13 x 17 cm.; 72 kaca; Rp 20.000,-
Komentar